Displaying items by tag: Liebe zur Region

Cornas cun Buonder

Nouva gazetta dal Institut otalpin Ftan

Allegra char/a lectur/a,

nus dal 3. e 4. s-chalin dal gimnasi a Ftan vain creà cun grond plaschair üna gazetta, scritta per rumantsch. Quista gazetta es in prüma lingia gnüda creada per promouver il rumantsch illa bella vallada da l’Engiadina. Il proget vain nus tut per mans ed inventà tuottafat our d’agen interess. L’ingaschamaint pel rumantsch nu dess svanir e cun nossa lavur speraina da contribuir ün païn alch per sia promoziun.

Nus vain investi bler temp, creatività ed eir risattas in quist proget. Il prüm da tuot vain nus discutà che temas chi dessan gnir preschantats in nossa gazetta. Illa gazetta cumparan istorgias tipicas da nossa cultura e la spüerta da sport. Implü daja bleras ingiavineras e stincals chi’t fan dal sür ün sgrign in Tia fatscha. Eir fotografias cumparan cun bellas impreschiuns.

La prüm'ediziun (fotografia) es fingià publichada. Co cha las culurs indichan, as tratta quist'ediziun da la prümavaira. La naiv algua ed la natüra ans muossa nouvas culurs.

Intant eschan nus fingià vi dal crear la seguond'ediziun. Dimena, stat plain "cornas cun buonder" per ün tuottafat nouv "design" e nouvas ideas.

→ QUIA RIVAST PRO LA SEGUOND'EDIZIUN!

Cordialmaing
La redacziun da "Cornas cun Buonder"